ዓባይ ባንክ የ5 ዓመት ስትራቴጂ ዕቅዱን እና በቅርቡ ይፋ ያደረገውን የብራንድ መለያ በተመለከተ በደብረብርሃን እና ሀዋሳ ዲስትሪክቶች ስር ለሚገኙ ሠራተኞቹ የግንዛቤ ማስጨበጫ ወርክሾፕ በደብረብርሃን እና ሆሳዕና ከተሞች አካሂዷል፡፡
የባንኩ የስትራቴጂ ዋና መኮንን አቶ ወንድይፍራው ታደሰ፣ የስትራቴጂ እና ኢኖቬሽን ዳይሬክተር አቶ ዳንኤል ለገሠ፣ የዲስትሪክ ድጋፍ ዳይሬክተር አቶ ሲራክ ግርማ እና የሀዋሳ ዲስትሪክት ሥራ አስኪያጅ አቶ ፋኑኤል ታዬ የግንዛቤ ማስጨበጫ ወርክሾፑን ሰጥተዋል።
የግንዛቤ ማስጨበጫ ወርክሾፑ በተለያዩ አካባቢዎች በሚገኙ የባንኩ ዲስትሪክቶች የተከናወነ ሲሆን፤ በቀጣይም ተመሳሳይ ወርክሾፕ በቀሪ የባንኩ ዲስትሪክቶች ስር ለሚገኙ ሠራተኞች ለመስጠት ታቅዷል።
ዓባይ – የታላቅነት ምንጭ
